வினாடி வினா
மறுமையில் அல்லாஹ் மூன்று வகையான மனிதர்களுக்கு எதிராக தானே வாதாடுவான். அவர்கள் யாவர்?
விடை:
1. அல்லாஹ்வின் பெயரால் சத்தியம் செய்துவிட்டு, அதில் மோசடி செய்தவன்.
2. சுதந்திரமான ஒருவரை விற்று அந்தக் கிரயத்தைச் சாப்பிட்டவன்.
3. ஒரு கூலியாளிடம் வேலை வாங்கிக் கொண்டு கூலி கொடுக்காமல் இருந்தவன்.
ஆதாரம்:
இறைத்தூதர்(ஸல்) அவர்கள் கூறினார்கள்:
'மறுமை நாளில் மூவருக்கெதிராக நான் வழக்காடுவேன்' என்று அல்லாஹ் கூறினான். ஒருவன் என் பெயரால் சத்தியம் செய்துவிட்டு, அதில் மோசடி செய்தவன்; இன்னொருவன் சுதந்திரமான ஒருவரை விற்று அந்தக் கிரயத்தைச் சாப்பிட்டவன்; மூன்றாமவன் ஒரு கூலியாளிடம் வேலை வாங்கிக் கொண்டு கூலி கொடுக்காமல் இருந்தவன்!'
என அபூ ஹுரைரா(ரலி) அறிவித்தார்.
(ஸஹீஹுல் புகாரி: 2227. , அத்தியாயம்: 2. ஈமான் எனும் இறைநம்பிக்கை)
இறைத்தூதர்(ஸல்) அவர்கள் கூறினார்கள்:
'மூவருக்கெதிராக கியாமத் நாளில் நான் வழக்குரைப்பேன்! என் பெயரால் சத்தியம் செய்து மோசடி செய்தவன்; சுதந்திரமானவனை (அடிமையாக) விற்று அந்தக் கிரயத்தைச் சாப்பிட்டவன்; கூலிக்கு ஒருவரை அமர்த்தி, அவரிடம் வேலை வாங்கிக் கொண்டு கூலி கொடுக்காமல் இருந்தவன் (ஆகிய இவர்கள்தான் அந்த மூவர்)!' என்று அல்லாஹ் கூறினான்.'
என அபூ ஹுரைரா(ரலி) அறிவித்தார்.
(ஸஹீஹுல் புகாரி: 2270. , அத்தியாயம்: 2. ஈமான் எனும் இறைநம்பிக்கை)
கருத்துகள் இல்லை:
கருத்துரையிடுக