பிப்ரவரி 2021 மாதாந்திர கேள்விகள்

தொழுபவருக்குக் குறுக்கே செல்பவர், அதனால் தமக்கு ஏற்படும் பாவத்தைப் பற்றி அறிந்திருந்தால் அவருக்குக் குறுக்கே செல்வதற்குப் பதில் _____ நாள்கள் நின்று கொண்டிருப்பது அவருக்கு நல்லதாகத் தோன்றும்

வினாடி வினா

தொழுபவருக்குக் குறுக்கே செல்பவர், அதனால் தமக்கு ஏற்படும் பாவத்தைப் பற்றி அறிந்திருந்தால் அவருக்குக் குறுக்கே செல்வதற்குப் பதில் _____  நாள்கள் நின்று கொண்டிருப்பது அவருக்கு நல்லதாகத் தோன்றும் என்று இறைத்தூதர்(ஸல்) அவர்கள் கூறினார்கள்.

1. 4

2. 40

3. 400

விடை: 2. 40

ஆதாரம்:

புஸ்ரு இப்னு ஸயீத் அறிவித்தார். 

தொழுபவரின் குறுக்கே செல்பவர் பற்றி நபி(ஸல்) அவர்களிடமிருந்து செவியுற்றதை அறிந்து வருமாறு என்னை அபூ ஜுஹைம்(ரலி) அவர்களிடம் ஸைத் இப்னு காலித்(ரலி) அனுப்பு வைத்தார். 'தொழுபவருக்குக் குறுக்கே செல்பவர், அதனால் தமக்கு ஏற்படும் பாவத்தைப் பற்றி அறிந்திருந்தால் அவருக்குக் குறுக்கே செல்வதற்குப் பதில் நாற்பது நாள்கள் நின்று கொண்டிருப்பது அவருக்கு நல்லதாகத் தோன்றும்' என்று இறைத்தூதர்(ஸல்) அவர்கள் கூறினார்கள் என அபூ ஜுஹைம்(ரலி) விடையளித்தார்கள். 

இதன் அறிவிப்பாளர்களில் ஒருவரான அபுன் னழ்ரு என்பவர் 'நாற்பது ஆண்டுகள்' என்று கூறினார்களா? அல்லது 'நாற்பது மாதங்கள்' அல்லது 'நாற்பது நாள்கள்' என்று கூறினார்களா? என்பது சரியாக தமக்கு நினைவில்லை என்கிறார்.

(ஸஹீஹுல் புகாரி: 510. , அத்தியாயம்: 8. தொழுகை) 

“அநாதைகளைக் கடுகடுக்காதீர். ____ வெருட்டாதீர்.” என அல்லாஹ் கூறுகிறான்.

வினாடி வினா

“அநாதைகளைக் கடுகடுக்காதீர். ____ வெருட்டாதீர்.” என அல்லாஹ் கூறுகிறான்.

1. ஹிஜ்ரத் மேற்கொண்டோரை

2. யாசிப்பவர்களை

3. இரண்டுமே இல்லை

விடை: 2. யாசிப்பவர்களை

ஆதாரம்:

ஆகவே, (இவற்றுக்கு நன்றி செலுத்துவதற்காக) நீர் அநாதைகளைக் கடுகடுக்காதீர். யாசிப்பவரை வெருட்டாதீர். (93:9-10) 

அல்லாஹ் எந்நோயையும் அதற்குரிய _______ அருளாமல் இறக்குவதில்லை.

வினாடி வினா

அல்லாஹ் எந்நோயையும் அதற்குரிய _______ அருளாமல் இறக்குவதில்லை.

1. உயிரழப்புகளை

2. நன்மைகளை

3. நிவாரணியை

விடை: 3. நிவாரணியை

ஆதாரம்:

இறைத்தூதர்(ஸல்) அவர்கள் கூறினார்கள்' 

அல்லாஹ் எந்நோயையும் அதற்குரிய நிவாரணியை அருளாமல் இறக்குவதில்லை. 

என அபூ ஹுரைரா(ரலி) அறிவித்தார். 

(ஸஹீஹுல் புகாரி: 5678. , அத்தியாயம்: 76. மருத்துவம்)

நம் தோற்றங்களையோ அல்லது நம் செல்வங்களையோ அல்லாஹ் பார்ப்பதில்லை. மாறாக, எதை பார்க்கிறான்?

வினாடி வினா

நம் தோற்றங்களையோ அல்லது நம் செல்வங்களையோ அல்லாஹ் பார்ப்பதில்லை. மாறாக, எதை பார்க்கிறான்?

விடை: உள்ளங்களையும் செயல்களையுமே பார்க்கிறான்

ஆதாரம்:

அல்லாஹ்வின் தூதர் (ஸல்) அவர்கள் கூறினார்கள்:

அல்லாஹ், உங்கள் தோற்றங்களையோ உங்கள் செல்வங்களையோ பார்ப்பதில்லை. மாறாக, உங்களுடைய உள்ளங்களையும் செயல்களையுமே அவன் பார்க்கிறான்.

இதை அபூஹுரைரா (ரலி) அவர்கள் அறிவிக்கிறார்கள்.

(ஸஹீஹ் முஸ்லிம்: 5012., அத்தியாயம்: 45. பெற்றோருக்கு நன்மை செய்வதும், உறவைப் பேணி வாழ்வதும் )

சாபிட்டப் பின் விரல்களை சூப்புவதின் நன்மை என்ன?

வினாடி வினா

சாபிட்டப் பின் விரல்களை சூப்புவதின் நன்மை என்ன?

விடை: உணவில் எதில் வளம் (பரக்கத்) உள்ளது என்பதை அவர் அறியமாட்டார்.

ஆதாரம்:

நபி (ஸல்) அவர்கள் கூறினார்கள்:

உங்களில் ஒருவர் உணவு உண்டால், அவர் தம் விரல்களை உறிஞ்சிக்கொள்ளட்டும். அவற்றில் எதில் வளம் (பரக்கத்) உள்ளது என்பதை அவர் அறியமாட்டார்.

இதை அபூஹுரைரா (ரலி) அவர்கள் அறிவிக்கிறார்கள்.

- மேற்கண்ட ஹதீஸ் அபூஹுரைரா (ரலி) அவர்களிடமிருந்தே மற்றோர் அறிவிப்பாளர் தொடர் வழியாகவும் வந்துள்ளது.

அதில், "உங்களில் ஒருவர் உணவு உண்டால் (இறுதியில்) உணவுத் தட்டை வழித்து உண்ணட்டும்" என்றும், உங்களின் "எந்த உணவில் வளம் (பரகத்) உள்ளது” அல்லது "(உங்களின் எந்த உணவில்) உங்களுக்கு வளம் வழங்கப்படும்" (என்பதை அவர் அறியமாட்டார்)" என்றும் இடம்பெற்றுள்ளது.

(ஸஹீஹ் முஸ்லிம்: 4140., அத்தியாயம்: 36. குடிபானங்கள்)

ஒருவர் கல்வியைத் தேடி ஒரு பாதையில் நடந்தால், அவருக்கு அதன் மூலம் அல்லாஹ் எதை எளிதாக்குகிறான்?

வினாடி வினா

ஒருவர் கல்வியைத் தேடி ஒரு பாதையில் நடந்தால்,  அவருக்கு அதன் மூலம் அல்லாஹ் எதை எளிதாக்குகிறான்?

1. சொர்க்கத்திற்குச் செல்லும் பாதையை

2. பாடச்சாலைகளுக்கு செல்லும் பாதையை

3. இரண்டுமே இல்லை

விடை: 1. சொர்க்கத்திற்குச் செல்லும் பாதையை

ஆதாரம்:

அல்லாஹ்வின் தூதர் (ஸல்) அவர்கள் கூறினார்கள்:

யார் இம்மையில் ஓர் இறைநம்பிக்கையாளரின் துன்பங்களில் ஒன்றை அகற்றுகிறாரோ அவருடைய மறுமைத் துன்பங்களில் ஒன்றை அல்லாஹ் அகற்றுகிறான். யார் சிரமப்படுவோருக்கு உதவி செய்கிறாரோ அவருக்கு அல்லாஹ் இம்மையிலும் மறுமையிலும் உதவி செய்கிறான். யார் ஒரு முஸ்லிமின் குறைகளை மறைக்கிறாரோ அவருடைய குறைகளை அல்லாஹ் இம்மையிலும் மறுமையிலும் மறைக்கிறான். அடியான் தன் சகோதரன் ஒருவனுக்கு உதவி செய்துகொண்டிருக்கும்வரை அந்த அடியானுக்கு அல்லாஹ் உதவி செய்துகொண்டிருக்கிறான்.

யார் கல்வியைத் தேடி ஒரு பாதையில் நடக்கிறாரோ அவருக்கு அதன் மூலம் சொர்க்கத்திற்குச்  செல்லும் பாதையை அல்லாஹ் எளிதாக்குகிறான். மக்கள் இறையில்லங்களில் ஒன்றில் ஒன்றுகூடி, அல்லாஹ்வின் வேதத்தை ஓதிக்கொண்டும் அதை ஒருவருக்கொருவர் படித்துக்கொடுத்துக் கொண்டும் இருந்தால், அவர்கள்மீது அமைதி இறங்குகிறது. அவர்களை இறையருள் போர்த்திக்கொள்கிறது. அவர்களை வானவர்கள் சூழ்ந்துகொள்கின்றனர். மேலும் இறைவன், அவர்களைக் குறித்துத் தம்மிடம் இருப்போரிடம் (பெருமையுடன்) நினைவுகூருகிறான்.

அறச் செயல்களில் பின்தங்கிவிட்ட ஒருவரைக் குலச்சிறப்பு முன்னுக்குக் கொண்டு வந்துவிடுவதில்லை.- இதை அபூஹுரைரா (ரலி) அவர்கள் அறிவிக்கிறார்கள்.

இந்த ஹதீஸ் மூன்று அறிவிப்பாளர் தொடர்களில் வந்துள்ளது.

- மேற்கண்ட ஹதீஸ் அபூஹுரைரா (ரலி) அவர்களிடமிருந்தே மேலும் இரு அறிவிப்பாளர் தொடர்கள் வழியாகவும் வந்துள்ளது.

அவற்றில் அபூஉசாமா (ரஹ்) அவர்களது அறிவிப்பில், சிரமப்படுவோருக்கு உதவி செய்வது தொடர்பான குறிப்பு இடம்பெறவில்லை.

(ஸஹீஹ் முஸ்லிம்: 5231., அத்தியாயம்: 48. பிரார்த்தனைகள்)

“உலகத்தில் நீ _______ போன்று இரு" என்று இறைத்தூதர்(ஸல்) கூறினார்கள்.

வினாடி வினா

“உலகத்தில் நீ _______ போன்று இரு' என்று இறைத்தூதர்(ஸல்) கூறினார்கள். 

1. ஏழையைப்

2. வழிப் போக்கனைப் 

3. ராஜாவைப்

விடை: 2. வழிப் போக்கனைப்

ஆதாரம்:

அப்துல்லாஹ் இப்னு உமர்(ரலி) அறிவித்தார். 

இறைத்தூதர்(ஸல்) அவர்கள் என் தோளைப் பிடித்துக் கொண்டு 'உலகத்தில் நீ அந்நியனைப் போன்று, அல்லது வழிப் போக்கனைப் போன்று இரு' என்றார்கள். 

(அறிவிப்பாளர்களில் ஒருவரான முஜாஹித்(ரஹ்) அவர்கள் கூறுகிறார்கள்:) 

'நீ மாலை நேரத்தை அடைந்தால் காலைவேளையை எதிர்பார்க்காதே! நீ காலை வேளையை அடைந்தால் மாலை நேரத்தை எதிர்பார்க்காதே! நீ நோய்வாய்ப்படும் நாளுக்காக உன்னுடைய ஆரோக்கியத்தில் சிறி(து நேரத்)தைச் செலவிடு. உன்னுடைய இறப்பு(க் குப் பிந்திய நாளு)க்காக உன்னுடைய வாழ்நாளில் சிறி(து நேரத்)தைச் செலவிடு' என்று இப்னு உமர்(ரலி) அவர்கள் கூறுவார்கள்.9 

(ஸஹீஹுல் புகாரி: 6416. , அத்தியாயம்: 81. நெகிழ்வூட்டும் அறவுரைகள்)

நாம் செல்வத்திலும் தோற்றத்திலும் தம்மை விட மேலான ஒருவரை கண்டால், என்ன செய்ய வேண்டும் என இறைத்தூதர்(ஸல்) அவர்கள் கூறியுள்ளார்கள்?

வினாடி வினா

நாம் செல்வத்திலும் தோற்றத்திலும் தம்மை விட மேலான ஒருவரை கண்டால், என்ன செய்ய வேண்டும் என இறைத்தூதர்(ஸல்) அவர்கள் கூறியுள்ளார்கள்?

விடை: உடனே (அவற்றில்) தம்மைவிடக் கீழனாவர்களை அவர் (நினைத்துப்) பார்க்க வேண்டும்.

ஆதாரம்:

இறைத்தூதர்(ஸல்) அவர்கள் கூறினார்கள்' 

செல்வத்திலும் தோற்றத்திலும் தம்மை விட மேலான ஒருவரை உங்களில் கண்டால், உடனே (அவற்றில்) தம்மைவிடக் கீழனாவர்களை அவர் (நினைத்துப்) பார்க்கட்டும். 

என அபூ ஹுரைரா(ரலி) அறிவித்தார். 

(ஸஹீஹுல் புகாரி: 6490. , அத்தியாயம்: 81. நெகிழ்வூட்டும் அறவுரைகள்)

ஓர் ஆத்மாவை வாழ வைகிறவனும், ஓர் ஆத்மாவை அநியாயமாகக் கொலை செய்கிறவனும் யாரை போல் ஆவர்?

வினாடி வினா

ஓர் ஆத்மாவை வாழ வைகிறவனும், ஓர் ஆத்மாவை அநியாயமாகக் கொலை செய்கிறவனும் யாரை போல் ஆவர்?

விடை: ஓர் ஆத்மாவை வாழ வைகிறவன் - மனிதர்கள் அனைவரையும் வாழவைத்தவன் போலாவான்; ஓர் ஆத்மாவை அநியாயமாகக் கொலை செய்கிறவன் - மனிதர்கள் அனைவரையுமே கொலை செய்தவன் போலாவான்.

ஆதாரம்:

இதன் காரணமாகவே ‘‘எவனொருவன் மற்றோர் ஆத்மாவைக் கொலைக்குப் பதிலாக அல்லது பூமியில் குழப்பத்தைத் தடை செய்வதற்காகவே தவிர (அநியாயமாகக்) கொலை செய்கிறானோ அவன் மனிதர்கள் அனைவரையுமே கொலை செய்தவன் போலாவான். மேலும், எவன் ஓர் ஆத்மாவை வாழ வைக்கிறானோ அவன் மனிதர்கள் அனைவரையும் வாழவைத்தவன் போலாவான்'' என்று இஸ்ராயீலின் சந்ததிகளுக்கு (அளித்த கற்பலகையில்) நாம் வரைந்து விட்டோம். மேலும், அவர்களிடம் நமது பல தூதர்கள் நிச்சயமாகத் தெளிவான அத்தாட்சிகளையும் கொண்டு வந்திருந்தார்கள். இதற்குப் பின்னரும், அவர்களில் பெரும்பாலானவர்கள் பூமியில் வரம்பு கடந்தே வந்தனர். (5:32)

ஐவேளைத் தொழுகைகள், ஒரு ஜுமுஆவிலிருந்து மறு ஜுமுஆ ஆகியன அவற்றுக்கிடையே ஏற்படும் எல்லா பாவங்களுக்கும் பரிகாரங்களாகுமா?

வினாடி வினா

ஐவேளைத் தொழுகைகள், ஒரு ஜுமுஆவிலிருந்து மறு ஜுமுஆ ஆகியன அவற்றுக்கிடையே ஏற்படும் எல்லா  பாவங்களுக்கும் பரிகாரங்களாகும்.

1. சரி

2. தவறு

விடை: 2. தவறு, பெரும்பாவங்களில் சிக்காதவரை

ஆதாரம்:

அல்லாஹ்வின் தூதர் (ஸல்) அவர்கள் கூறினார்கள்:

ஐவேளைத் தொழுகைகள், ஒரு ஜுமுஆவிலிருந்து மறு ஜுமுஆ ஆகியன அவற்றுக்கிடையே ஏற்படும் பாவங்களுக்குப் பரிகாரங்களாகும். பெரும்பாவங்களில் சிக்காதவரை.

இதை அபூஹுரைரா (ரலி) அவர்கள் அறிவிக்கிறார்கள்.

இந்த ஹதீஸ் மூன்று அறிவிப்பாளர்தொடர்களில் வந்துள்ளது.

(ஸஹீஹ் முஸ்லிம்: 394., அத்தியாயம்: 2. தூய்மை)

_______ இறைநம்பிக்கையில் பாதியாகும்.

வினாடி வினா

_______ இறைநம்பிக்கையில் பாதியாகும்.

1. தொழுகை

2. வெட்கம்

3. தூய்மை

விடை: 3. தூய்மை

ஆதாரம்:

அல்லாஹ்வின் தூதர் (ஸல்) அவர்கள் கூறினார்கள்:

தூய்மை இறைநம்பிக்கையில் பாதியாகும். அல்ஹம்துலில்லாஹ் (எல்லாப் புகழும் அல்லாஹ்வுக்கே!) என்(று இறைவனைத் துதிப்)பது, (நன்மை மற்றும் தீமைகளை நிறுக்கக்கூடிய) தராசை நிரப்பக்கூடியதாகும். சுப்ஹானல்லாஹி, வல்ஹம்து லில்லாஹி  (அல்லாஹ் தூயவன்; எல்லாப் புகழும் அவனுக்கே உரியது) என்(று அவனைத் துதிப்)பது வானங்கள் மற்றும் பூமிக்கிடையேயுள்ள இடத்தை நிரப்பிவிடக்கூடிய (அளவிற்கு அபரிமிதமான நன்மைகளைக் கொண்ட)தாகும். தொழுகை (வழிகாட்டும்)ஒளியாகும். தானதர்மம் சான்றாகும். பொறுமை ஒரு வெளிச்சமாகும். குர்ஆன் ஒன்று உனக்கு ஆதரவான சான்றாகும்; அல்லது எதிரான சான்றாகும். மக்கள் அனைவரும் காலையில் புறப்பட்டுச் சென்று தம்மை விற்பனை செய்கின்றனர். சிலர் தம்மை (இறைவனிடம் விற்று நரகத்திலிருந்து தம்மை) விடுவித்துக் கொள்கின்றனர். வேறு சிலர் (ஷைத்தானிடம் விற்று) தம்மை அழித்துக்கொள்கின்றனர்.

இதை அபூமாலிக் அல்அஷ்அரீ (ரலி) அவர்கள் அறிவிக்கிறார்கள்.

(ஸஹீஹ் முஸ்லிம்: 381., அத்தியாயம்: 2. தூய்மை)

தொழுகை அறிவிப்பை ஷைத்தான் செவியுற்றால் எவ்வாறு வெருண்டோடுகிறான்?

வினாடி வினா

தொழுகை அறிவிப்பை ஷைத்தான் செவியுற்றால் எவ்வாறு வெருண்டோடுகிறான்?

விடை: வாயு வெளியேறிய வண்ணம் (வெகு தூரம்) வெருண்டோடுகிறான்

ஆதாரம்:

நபி (ஸல்) அவர்கள் கூறினார்கள்:

தொழுகை அறிவிப்பை ஷைத்தான் செவியுற்றால் அந்தச் சப்தத்தை கேட்காமலிருப்பதற்காக வாயு வெளியேறிய வண்ணம் (வெகு தூரம்) வெருண்டோடுகிறான். தொழுகை அறிவிப்பு முடிந்ததும் மீண்டும் (பள்ளிவாசலுக்கு) வந்து (தொழக்கூடியவர்களின் உள்ளத்தில்) ஊசலாட்டத்தை ஏற்படுத்துகிறான். இகாமத் சொல்லும் சப்தத்தைக் கேட்கும்போது அந்தச் சப்தத்தை கேட்காமலிருப்பதற்காக (மீண்டும் வெகுதூரம்) வெருண்டோடுகிறான். இகாமத் சொல்லி முடிந்ததும் மீண்டும் (பள்ளிவாசலுக்கு) வந்து (தொழக்கூடியவர்களின் உள்ளத்தில்) ஊசலாட்டத்தை ஏற்படுத்துகிறான்.

இதை அபூஹுரைரா (ரலி) அவர்கள் அறிவிக்கிறார்கள்.

இந்த ஹதீஸ் மூன்று அறிவிப்பாளர்தொடர்களில் வந்துள்ளது.

(ஸஹீஹ் முஸ்லிம்: 633., அத்தியாயம்: 4. தொழுகை)

‘‘உன் வயிறு நிறைந்துவிட்டதா?'' என்று அல்லாஹ் அதை கேட்கும்போது,அது ‘‘இன்னும் ஏதும் இருக்கிறதா?'' என்று கேட்கும். அது என்ன?

வினாடி வினா

‘‘உன் வயிறு நிறைந்துவிட்டதா?'' என்று அல்லாஹ் அதை கேட்கும்போது,அது ‘‘இன்னும் ஏதும் இருக்கிறதா?'' என்று கேட்கும். அது என்ன?

1. நரகம்

2. சொர்க்கம்

3. கடல்

விடை: 1. நரகம்

ஆதாரம்:

அந்நாளில் நரகத்தை நோக்கி, ‘‘உன் வயிறு நிறைந்துவிட்டதா?'' என்று நாம் கேட்போம். அதற்கு அது ‘‘இன்னும் ஏதும் இருக்கிறதா?'' என்று கேட்கும். (50:30)

மனிதர்களின் ________ தேடிக்கொண்டதன் காரணமாகக் கடலிலும் தரையிலும் அழிவு வேலைகள் பரவிவிட்டன.

வினாடி வினா

மனிதர்களின் ________ தேடிக்கொண்டதன் காரணமாகக் கடலிலும் தரையிலும் அழிவு வேலைகள் பரவிவிட்டன.

1. கைகள்

2. கண்கள்

3. நாவு

விடை: 1. கைகள்

ஆதாரம்:

மனிதர்களின் கைகள் தேடிக்கொண்டதன் காரணமாகக் கடலிலும் தரையிலும் அழிவு வேலைகள் (அதிகமாகப்) பரவிவிட்டன. அவற்றில் இருந்து அவர்கள் விலகிக் கொள்வதற்காக, அவர்களின் தீய செயல்கள் சிலவற்றின் தண்டனையை அவர்களுக்கு (இம்மையிலும்) சுவைக்க வைக்கிறான். (30:41)

ஆதமின் மகன் (மனிதன்) என்னைப் புண்படுத்துகிறான் என்று அல்லாஹ் சொல்வதற்கான காரணம் என்ன?

வினாடி வினா

ஆதமின் மகன் (மனிதன்) என்னைப் புண்படுத்துகிறான் என்று அல்லாஹ் சொல்வதற்கான காரணம் என்ன?

விடை: ஏனென்றால் மனிதன் காலத்தை ஏசுகிறான்

ஆதாரம்:

இறைத்தூதர்(ஸல்) அவர்கள் கூறினார்கள்' 

'ஆதமின் மகன் (மனிதன்) என்னைப் புண்படுத்துகிறான். அவன் காலத்தை ஏசுகிறான். நானே காலம் (படைத்தவன்) ஆவேன். என் கரத்திலேயே அதிகாரமனைத்தும உள்ளது. நானே இரவையும் பகலையும் மாற்றி மாற்றிக் கொண்டுவருகிறேன்' என்று அல்லாஹ் கூறினான். 

என அபூ ஹுரைரா(ரலி) அறிவித்தார்.134 

(ஸஹீஹுல் புகாரி: 7491. , அத்தியாயம்: 7. தயம்மும்)

யார் கப்ருக்குப் பக்கத்தில் நின்றால் தன் தாடி நனையும் அளவுக்கு அழக் கூடியவர்களாக இருந்தார்கள்? ஏன்?

வினாடி வினா

யார் கப்ருக்குப் பக்கத்தில் நின்றால் தன் தாடி நனையும் அளவுக்கு அழக் கூடியவர்களாக இருந்தார்கள்? ஏன்?

விடை: உஸ்மான் (ரழி) 

ஆதாரம்:

உஸ்மான் (ரழி) அவர்கள் கப்ருக்குப் பக்கத்தில் நின்றால் தன் தாடி நனையும் அளவுக்கு அழக் கூடியவர்களாக இருந்தார்கள். சுவர்க்கம், நரகத்தை நினைத்தா அழுகின்றீர் என அவரிடம் கேட்கப்பட்டது. அதற்கவர் இல்லை என்றார். இன்னதுக்காகவா அழுகின்றீர் எனக் கேட்கப்பட்டது. அதற்கவர் ‘கப்ர் மறுமையின் முதற்படியாகும் அதில் வென்றால் அதற்குப் பின்னாலுள்ளது மிக இலகுவானது. அதில் வெல்லவில்லை என்றால் அதற்குப்பின்னாலுள்ளது மிகவும் கடினமானது. நான் எந்த மோசமான காட்சியைக் கண்டாலும் கப்ர் எனக்கு அதை விடக் கடினமாகவே தெரிகிறது’ என நபியவர்கள் கூறினார்கள் அதை நினைத்துத்தான் அழுகிறேன் என பதிலளித்தார்கள்.

அறிவிப்பவர் : ஹானி

ஆதாரம்: அஹ்மத் 454

மக்களிடையே நீதி செலுத்துவதும் ஒரு தர்மமா?

வினாடி வினா

மக்களிடையே நீதி செலுத்துவதும் ஒரு தர்மமே.

1. சரி

2. தவறு

விடை: 1. சரி

ஆதாரம்:

இறைத்தூதர்(ஸல்) அவர்கள் கூறினார்கள்: 

மனிதர்கள், தம் ஒவ்வொரு மூட்டு எலும்புக்காகவும் தர்மம் செய்வது கடமையாகும். சூரியன் உதிக்கிற ஒவ்வொரு நாளிலும் மக்களிடையே நீதி செலுத்துவதும் ஒரு தர்மமே. 

என அபூ ஹுரைரா(ரலி) அறிவித்தார்.

(ஸஹீஹுல் புகாரி: 2707. , அத்தியாயம்: 53. சமாதானம்)

நீங்கள் பிரார்த்தித்து _________ வரையில் உங்கள் பிரார்த்தனை ஏற்கப்படும்.

வினாடி வினா

நீங்கள் பிரார்த்தித்து _________ வரையில் உங்கள் பிரார்த்தனை ஏற்கப்படும். 

1. தொழாத

2. தர்மம் செய்யாத

3. அவசரப்படாத

விடை: 3. அவசரப்படாத

ஆதாரம்:

இறைத்தூதர்(ஸல்) அவர்கள் கூறினார்கள்' 

'நான் பிரார்த்தித்தேன். ஆனால், என் பிரார்த்தனை ஏற்கப்படவில்லை' என்று கூறி நீங்கள் அவசரப்படாத வரையில் உங்கள் பிரார்த்தனை ஏற்கப்படும். 

என அபூ ஹுரைரா(ரலி) அறிவித்தார். 

(ஸஹீஹுல் புகாரி: 6340. , அத்தியாயம்: 6. மாதவிடாய்)

நரகத்தில் உள்ளவர்கள் எந்த மிருகத்தை போன்று குடி நீரை குடிப்பார்கள?

வினாடி வினா

நரகத்தில் உள்ளவர்கள் எந்த மிருகத்தை போன்று குடி நீரை குடிப்பார்கள?

1. நாய்

2. ஒட்டகம்

3. எலி

விடை: 2. ஒட்டகம்

ஆதாரம்:

அத்துடன் முற்றிலும் கொதித்த சுடு நீரைக் குடிப்பீர்கள். (அதுவும் அவசர அவசரமாக) தாகித்த ஒட்டகம் குடிப்பதைப்போல் (நீங்கள்) குடிப்பீர்கள். (56:54-55)

எந்த இறைத்தூதருக்கும் வழங்கப் பெற்றிராத இரு ஒளிச்சுடர்கள் நபி (ஸல்) அவர்களுக்கு வழங்கப்பெற்றுள்ளது.

வினாடி வினா

இதற்கு முன் எந்த இறைத்தூதருக்கும் வழங்கப் பெற்றிராத இரு ஒளிச்சுடர்கள் நபி (ஸல்) அவர்களுக்கு வழங்கப்பெற்றுள்ளது. அவை என்ன?

விடை: "அல்ஃபாத்திஹா" அத்தியாயமும் "அல்பகரா" அத்தியாயத்தின் இறுதி வசனங்களுமே அவை.

ஆதாரம்:

இப்னு அப்பாஸ் (ரலி) அவர்கள் கூறியதாவது:ஒரு முறை) நபி (ஸல்) அவர்களிடம் (வானவர்) ஜிப்ரீல் (அலை) அவர்கள் அமர்ந்திருந்தபோது தமக்கு மேலிருந்து ஒரு சப்தம் வருவதைக் கேட்டார் அவர். அப்போது வானத்தை அண்ணாந்து பார்த்த ஜிப்ரீல் (அலை) அவர்கள், "இதோ, வானில் இதுவரை திறக்கப்பட்டிராத ஒரு கதவு இப்போது திறக்கப்பட்டிருக்கிறது. (அதன் சப்தமே இப்போது கேட்டது.)" என்று கூறினார்கள்.

அந்தக் கதவு வழியாக ஒரு வானவர் இறங்கி (நபியவர்களிடம்) வந்தார். அப்போது ஜிப்ரீல் (அலை) அவர்கள் "இதோ இந்த வானவர் இப்போதுதான் பூமிக்கு இறங்கி வந்திருக்கிறார். இதற்கு முன் எப்போதும் அவர் பூமிக்கு இறங்கியதேயில்லை" என்று கூறினார்கள்.

அவ்வானவர் சலாம் கூறிவிட்டு, "உங்களுக்கு முன் எந்த இறைத்தூதருக்கும் வழங்கப் பெற்றிராத இரு ஒளிச்சுடர்கள் உங்களுக்கு வழங்கப்பெற்றுள்ள நற்செய்தியைப் பெறுங்கள். "அல்ஃபாத்திஹா" அத்தியாயமும் "அல்பகரா" அத்தியாயத்தின் இறுதி வசனங்களுமே அவை. அவற்றிலுள்ள (பிரார்த்தனை வரிகளில்) எதை நீங்கள் ஓதினாலும் அது உங்களுக்கு வழங்கப் பெறாமல் இருப்பதில்லை"என்று கூறினார்.

இந்த ஹதீஸ் இரு அறிவிப்பாளர்தொடர்களில் வந்துள்ளது.

(ஸஹீஹ் முஸ்லிம்: 1472., அத்தியாயம்: 6. பயனிகள் தொழுகையும் சுருக்கத் தொழுகையும்)

அல்லாஹ் வஹீ அறிவித்த இரு பெண்மணிகள்.

வினாடி வினா

எந்த இரு பெண்மணிகளுக்கு வஹீ அறிவித்ததாக அல்லாஹ் குர்ஆனில் குறிப்பிடுகிறான்?

விடை:

1. மூஸாவின்(அலை) தாய்க்கு

2. மர்யம் (அலை)

ஆதாரம்:

(ஆகவே, பலவீனமானவர்களில் மூஸாவை நாம் படைத்தோம். மூஸா பிறந்த சமயத்தில், பலவீனமான இவர்களுடைய மக்களில் பிறக்கும் ஆண் குழந்தைகளை ஃபிர்அவ்ன் கொலை செய்து கொண்டிருந்தான். ஆகவே மூஸாவின் தாய், தன் இக்குழந்தையையும் ஃபிர்அவ்ன் கொலை செய்து விடுவானோ என்று அஞ்சி நடுங்கினாள்.) ஆகவே, (அச்சமயம்) மூஸாவின் தாய்க்கு நாம் வஹ்யி மூலம் அறிவித்தோம்: (குழந்தையை உன்னிடமே வைத்துக் கொண்டு) ‘‘ அவருக்குப் பால் கொடுத்து வா. (உன்னிடம் இருப்பதில்) அவரைப் பற்றி நீ பயந்தால், அவரை (பேழையில் வைத்து) ஆற்றில் எறிந்துவிடு. நீ அவரைப் பற்றிக் கவலைப்படாதே! பயப்படாதே! நிச்சயமாக நாம் அவரை உன்னிடமே கொண்டு வந்து சேர்த்து, அவரை (நம்) தூதர்களில் ஒருவராகவும் ஆக்குவோம்'' (என்று அறிவித்தோம்.) (28:7)

(மேலும், மர்யமை நோக்கி) வானவர்கள் ‘‘மர்யமே! நிச்சயமாக அல்லாஹ் தன் (ஆகுக! என்ற) ஒரு வார்த்தையைக் கொண்டு உமக்கு (ஒரு குழந்தையை அளிக்க) நற்செய்தி கூறுகிறான்'' என்றும் ‘‘அதன் பெயர் அல் மஸீஹ் ஈஸா இப்னு மர்யம்'' என்பதாகும். அவர் இம்மை மறுமையில் மிக்க கம்பீரமானவராகவும், (இறைவனுக்கு) மிக்க நெருங்கியவர்களில் ஒருவராகவும் இருப்பார்'' என்றும் கூறினார்கள். (3:45)

நபி (ஸல்) அவர்களின் சமூகத்திலிருந்து விசாரணையின்றி சொர்க்கம் செல்லும் எழுபதாயிரம் பேர்

வினாடி வினா

நபி (ஸல்) அவர்களின் சமூகத்திலிருந்து விசாரணையின்றி சொர்க்கம் செல்லும் எழுபதாயிரம் பேர் எவ்விதமான தன்மை உடையவர்களாக இருப்பர்?

விடை: அவர்கள் ஓதிப்பார்க்கமாட்டார்கள்; பறவைகளை வைத்து சகுனம் பார்க்க மாட்டார்கள்; (நோய்க்காக) சூடிட்டுக் கொள்ளமாட்டார்கள். தம் இறைவனையே சார்ந்திருப்பார்கள்

ஆதாரம்:

…...எனவே, அவர்கள் புறப்பட்டு வந்து, '(விசாரணையின்றி சொர்க்கம் செல்லவுள்ள) அவர்கள் யாரெனில், அவர்கள் ஓதிப்பார்க்கமாட்டார்கள்; பறவைகளை வைத்து சகுனம் பார்க்க மாட்டார்கள்; (நோய்க்காக) சூடிட்டுக் கொள்ளமாட்டார்கள். தம் இறைவனையே சார்ந்திருப்பார்கள்' என்று கூறினார்கள். அப்போது உக்காஷா இப்னு மிஹ்ஸன்(ரலி) எழுந்து, 'அவர்களில் நானும் ஒருவனா? இறைத்தூதர் அவர்களே!' என்று கேட்க, நபி(ஸல்) அவர்கள், 'ஆம்' என்று பதிலளித்தார்கள். மற்றொருவர் எழுந்து நின்று, 'அவர்களில் நானும் ஒருவனா?' என்று கேட்க, நபி(ஸல்) அவர்கள் 'இவ்விஷயத்தில் உக்காஷா உம்மை முந்திக்கொண்டுவிட்டார்' என்று கூறினார்கள். 

(ஸஹீஹுல் புகாரி: 5705. , அத்தியாயம்: 76. மருத்துவம்)

தர்மத்தில் சிறந்தது எது?

வினாடி வினா

தர்மத்தில் சிறந்தது எது என நபி(ஸல்) அவர்கள் கூறினார்கள்?

விடை: ஆரோக்கியமுள்ளவராகவும், பொருளாசை கொண்டவராகவும் செல்வந்தராக விரும்பிய வண்ணம் வறுமையை அஞ்சியவராகவும் இருக்கும்போது தர்மம் செய்வதே சிறந்த தர்மம் ஆகும்

ஆதாரம்:

அபூ ஹுரைரா(ரலி) அறிவித்தார். 

ஒருவர் நபி(ஸல்) அவர்களிடம் வந்து, 'இறைத்தூதர் அவர்களே! தருமத்தில் சிறந்தது எது?' என்று கேட்டார். 'நீங்கள் ஆரோக்கியமுள்ளவராகவும், பொருளாசை கொண்டவராகவும் செல்வந்தராக விரும்பிய வண்ணம் வறுமையை அஞ்சியவராகவும் இருக்கும்போது தர்மம் செய்வதே சிறந்த தர்மம் ஆகும். உன் உயிர் தொண்டைக் குழியை அடைந்து விட்டிருக்க, 'இன்னாருக்கு இவ்வளவு கொடுங்கள்; இன்னாருக்கு இவ்வளவு கொடுங்கள்' என்று சொல்லும் (நேரம் வரும்) வரை தருமம் செய்வதைத் தள்ளிப் போடாதே. (உன் மரணம் நெருங்கி விடும்) அந்த நேரத்திலோ அது இன்னாருக்கு (உன் வாரிசுகளுக்கு) உரியதாய் ஆகி விட்டிருக்கும்' என்று நபி(ஸல்) அவர்கள் பதிலளித்தார்கள்.

(ஸஹீஹுல் புகாரி: 2748. , அத்தியாயம்: 55. மரண சாசனங்கள்)

நான்கு நடைமுறைகள் அறியாமைக் கால வழக்கங்களாகும்

வினாடி வினா

நபி (ஸல்) அவர்கள் தன் சமுதாயத்தாரிடையே நிலவுகின்ற நான்கு நடைமுறைகள் அறியாமைக் கால வழக்கங்களாகும் என எவற்றை கூறினார்கள்?

விடை: குலப்பெருமை பாராட்டுவது, (அடுத்தவரின்) பாரம்பரியத்தைக் குறைகூறுவது, கிரகங்களால் மழை பொழியும் என எதிர்பார்ப்பது மற்றும் ஒப்பாரிவைத்து அழுவது.

ஆதாரம்:

நபி (ஸல்) அவர்கள் கூறினார்கள்:

என் சமுதாயத்தாரிடையே நிலவுகின்ற நான்கு நடைமுறைகள் அறியாமைக் கால வழக்கங்களாகும். (பெரும்பாலான) மக்கள் அவற்றைக் கைவிடமாட்டார்கள். (அவையாவன:) குலப்பெருமை பாராட்டுவது, (அடுத்தவரின்) பாரம்பரியத்தைக் குறைகூறுவது, கிரகங்களால் மழை பொழியும் என எதிர்பார்ப்பது மற்றும் ஒப்பாரிவைத்து அழுவது.

ஒப்பாரிவைக்கும் வழக்கமுடைய பெண், தான் இறப்பதற்கு முன் பாவமன்னிப்புக் கோரி (அதிலிருந்து) மீளாவிட்டால், மறுமை நாளில் தாரால் (கீல்) ஆன நீளங்கியும் சொறிசிரங்குச் சட்டையும் அணிந்தவளாக அவள் நிறுத்தப்படுவாள்.

இதை அபூமாலிக் கஅப் பின் ஆஸிம் அல்அஷ்அரீ (ரலி) அவர்கள் அறிவிக்கிறார்கள்.

இந்த ஹதீஸ் இரு அறிவிப்பாளர்தொடர்களில் வந்துள்ளது.

(ஸஹீஹ் முஸ்லிம்: 1700., அத்தியாயம்: 11. இறுதிக் கடன்கள்)

யார் போலியான இரு ஆடைகளை அணிந்து கொண்டவர் போலாவார்?

வினாடி வினா

நபி (ஸல்) அவர்கள் "எதற்கு போலியான இரு ஆடைகளை அணிந்து கொண்டவர் போலாவார்" என உவமை கூறினார்?

விடை:

ஆதாரம்:

ஆயிஷா (ரலி) அவர்கள் கூறியதாவது:

ஒரு பெண்மணி (நபி (ஸல்) அவர்களிடம்), "அல்லாஹ்வின் தூதரே! நான் என் கணவர் எனக்கு வழங்காத ஒன்றை வழங்கியதாகக் காட்டிக்கொள்ளலாமா?" என்று கேட்டார். அதற்கு அல்லாஹ்வின் தூதர் (ஸல்) அவர்கள், "கிடைக்கப்பெறாத ஒன்றைக் கிடைத்ததாகக் காட்டிக்கொள்கிறவர், போலியான இரு ஆடைகளை அணிந்து கொண்டவர் போலாவார்" என்று கூறினார்கள்.

(ஸஹீஹ் முஸ்லிம்: 4317., அத்தியாயம்: 37. ஆடையும் அலங்காரமும்)

தொழுகைக்குப் பின்னரும் ஒரு துஆவை சொல்வதை விட்டு விடாதீர்கள்

வினாடி வினா

இறைத்தூதர்(ஸல்) ஒவ்வொரு தொழுகைக்குப் பின்னரும் ஒரு துஆவை சொல்வதை விட்டு விடாதே என எந்த துஆ’வை குறிப்பிட்டு அறிவுறுத்தினார்கள்?

விடை: அல்லாஹும்ம அயின்னீ அலா திக்ரிக வஷுக்ரிக வஹுஸ்னீ இபாதிக

ஆதாரம்:

அல்லாஹும்ம அயின்னீ அலா திக்ரிக வஷுக்ரிக வஹுஸ்னீ இபாததிக

பொருள்: அல்லாஹ்வே! உன்னை நினைப்பதற்கும் உனக்கு நன்றி செலுத்துவதற்கும் உன்னை அழகான முறையில் வணங்குவதற்கும் உதவி செய்வாயாக! என்று ஒவ்வொரு தொழுகைக்குப் பின்னரும் நீ சொல்வதை விட்டு விடாதே என நான் உனக்கு அறிவுறுத்துகின்றேன்'' என்று கூறினார்கள்.

அறிவிப்பவர் : முஆத் (ரலி),

நூல்கள் : அபூதாவூத் 1301, நஸயீ 128

அல்லாஹ்வின் தூதர் ________ எப்போதும் தேர்ந்தெடுப்பார்கள்.

வினாடி வினா

இரண்டு விஷயங்களில் விரும்பியதைத் தேர்ந்தெடுத்துக் கொள்ளும்படி அல்லாஹ்வின் தூதரிடம் கூறப்பட்டால் அவர்கள் அவ்விரண்டில் _______ எப்போதும் தேர்ந்தெடுப்பார்கள்.

1. இலேசானதையே (சுலபமானதை)

2. கடினமானதையே

விடை: 1. இலேசானதையே

ஆதாரம்:

ஆயிஷா(ரலி) அறிவித்தார். 

இரண்டு விஷயங்களில் விரும்பியதைத் தேர்ந்தெடுத்துக் கொள்ளும்படி அல்லாஹ்வின் தூதரிடம் கூறப்பட்டால் அவர்கள் அவ்விரண்டில் இலேசானதையே - அது பாவமான விஷயமாக இல்லாதிருக்கும் பட்சத்தில் -எப்போதும் தேர்ந்தெடுப்பார்கள். அது பாவமான விஷயமாக இருந்தால் மக்களிலேயே அதிகமாக அதிலிருந்து வெகு தொலைவில் (விலகி) நிற்பார்கள். இறைத்தூதர்(ஸல்) அவர்கள், தமக்காக என்று எவரையும் பழிவாங்கியதில்லை; அல்லாஹ்வின் புனித(ச் சட்ட)ம் எதுவும் சீர்குலைக்கப்பட்டு, அதற்கு பதிலாக அல்லாஹ்வின் சார்பாகப் பழிவாங்க வேண்டுமென்று அவர்கள் விரும்பினாலே தவிர. (அப்போது மட்டும் பழி வாங்குவார்கள்.) 

(ஸஹீஹுல் புகாரி: 3560. , அத்தியாயம்: 61. நபி(ஸல்) அவர்களின்) சிறப்புகள்)

ஜனவரி 2021 மாதாந்திர கேள்விகள்

முதியவரின் மனம் கூட இரண்டு விஷயங்களில் இளமையாகவே இருந்துவரும்.

வினாடி வினா

முதியவரின் மனம் கூட இரண்டு விஷயங்களில் இளமையாகவே இருந்துவரும் என இறைத்தூதர்(ஸல்) அவர்கள் கூறினார்கள். அந்த இரண்டு விஷயங்கள் என்ன?

விடை: 1. இம்மை வாழ்வின் (செல்வத்தின்) மீதுள்ள பிரியம், 2. நீண்டநாள் வாழவேண்டும் என்ற ஆசை.

ஆதாரம்:

இறைத்தூதர்(ஸல்) அவர்கள் கூறினார்கள்' 

முதியவரின் மனம் கூட இரண்டு விஷயங்களில் இளமையாகவே இருந்துவரும். 

1. இம்மை வாழ்வின் (-செல்வத்தின்) மீதுள்ள பிரியம். 

2. நீண்டநாள் வாழவேண்டும் என்ற ஆசை.

என அபூ ஹுரைரா(ரலி) அறிவித்தார். 

இன்னும் சில அறிவிப்பாளர் தொடர் வழியாகவும் இந்த ஹதீஸ் வந்துள்ளது. 

(ஸஹீஹுல் புகாரி: 6420. , அத்தியாயம்: 7. தயம்மும்)

அல்லாஹ் தனக்கு தானே எதை தடைச் செய்துகொண்டு அதை நமக்கிடையேயும் தடை செய்யப்பட்டதாக ஆக்கிவிட்டான்?

வினாடி வினா

அல்லாஹ் தனக்கு தானே எதை தடைச் செய்துகொண்டு அதை நமக்கிடையேயும் தடை செய்யப்பட்டதாக ஆக்கிவிட்டான்?

விடை: அநீதியிழைப்பதை

 

ஆதாரம்:

அபூதர் (ரலி) அவர்கள் கூறியதாவது:

நபி (ஸல்) அவர்கள் வளமும் உயர்வும் மிக்க அல்லாஹ் பின்வருமாறு கூறியதாக அறிவித்தார்கள்:

என் அடியார்களே!

அநீதியிழைப்பதை எனக்கு நானே தடை செய்துகொண்டேன். அதை உங்களிடையேயும் தடை செய்யப்பட்டதாக ஆக்கிவிட்டேன். ஆகவே, நீங்கள் ஒருவருக்கொருவர் அநீதியிழைக்காதீர்கள்.

என் அடியார்களே!

(ஸஹீஹ் முஸ்லிம்: 5033., அத்தியாயம்: 45. பெற்றோருக்கு நன்மை செய்வதும், உறவைப் பேணி வாழ்வதும் )

ஒரு பெண் தன் கணவர் உள்ளுரில் இருக்க, அவரின் அனுமதியில்லாமல் (நஃபில்) நோன்பு நோற்கலாமா?

வினாடி வினா

ஒரு பெண் தன் கணவர் உள்ளுரில் இருக்க, அவரின் அனுமதியில்லாமல் (நஃபில்) நோன்பு நோற்கலாம்.

1. சரி

2. தவறு

விடை: 2. தவறு

ஆதாரம்:

இறைத்தூதர்(ஸல்) அவர்கள் கூறினார்கள்'' 

ஒரு பெண் தன் கணவர் உள்ளுரில் இருக்க, அவரின் அனுமதியில்லாமல் (கூடுதல்) நோன்பு நோற்பது அனுமதிக்கப்பட்டதன்று. அவரின் அனுமதியில்லாமல் (யாரையும்) அவரின் இல்லத்திற்குள் அவள் அனுமதிக்கலாகாது. கணவர் கட்டளையிடாமலேயே ஒரு பெண் (அறவழியில் கணவரின் பொருளைச்) செலவிட்டால் (அதன் பலனில்) பாதி அவருக்கும் கிடைக்கும். 130. 

என அபூ ஹுரைரா(ரலி) அறிவித்தார். 

இந்த ஹதீஸிலுள்ள (கூடுதல்) நோன்பு பற்றிய தகவல் (மட்டும்) மற்றோர் அறிவிப்பாளர் தொடர் வழியாகவும் வந்துள்ளது. 

பகுதி 88 

(ஸஹீஹுல் புகாரி: 5195. , அத்தியாயம்: 5. குளித்தல்)

தூதர் (ஸல்) நாட்களிலேயே எந்த நாளை சிறப்பாகத் தேர்ந்தெடுத்து நோன்பு நோற்றார்கள்

வினாடி வினா

தூதர் (ஸல்) மாதங்களிலேயே ரமளான் மாதத்தை சிறப்பாகத் தேர்ந்தெடுத்து நோன்பு நோற்றார்கள். அதே போல் நாட்களிலேயே எந்த நாளை சிறப்பாகத் தேர்ந்தெடுத்து நோன்பு நோற்றார்கள்?

விடை: ஆஷூரா நாளை

ஆதாரம்:

உபைதுல்லாஹ் பின் அபீயஸீத் (ரஹ்) அவர்கள் கூறியதாவது:

இப்னு அப்பாஸ் (ரலி) அவர்களிடம் முஹர்ரம் பத்தாவது நாள் (ஆஷூரா) நோன்பு பற்றி வினவப்பட்டது. அதற்கு அவர்கள், "அல்லாஹ்வின் தூதர் (ஸல்) அவர்கள் நாட்களிலேயே இந்த (ஆஷூரா) நாளையும் மாதங்களிலேயே இந்த -ரமளான்- மாதத்தையும் தவிர வேறெதையும் சிறப்பாகத் தேர்ந்தெடுத்து நோன்பு நோற்றதாக நான் அறியவில்லை" என்று விடையளித்தார்கள்.

இந்த ஹதீஸ் இரு அறிவிப்பாளர்தொடர்களில் வந்துள்ளது.

- மேற்கண்ட ஹதீஸ் மற்றோர் அறிவிப்பாளர்தொடர் வழியாகவும் வந்துள்ளது.

(ஸஹீஹ் முஸ்லிம்: 2086., அத்தியாயம்: 13. நோன்பு)

6 விஷயங்கள் ஏற்படும் வரை, கியாம நாள் ஏற்படாது என்று இறைத்தூதர்(ஸல்) அவர்கள் கூறினார்கள்.

வினாடி வினா

6 விஷயங்கள் ஏற்படும் வரை, கியாம நாள் ஏற்படாது என்று இறைத்தூதர்(ஸல்) அவர்கள் கூறினார்கள். அவை என்னென்ன விஷயங்கள்?

விடை:

ஆதாரம்:

 இறைத்தூதர்(ஸல்) அவர்கள் கூறினார்கள்: 

'கல்வி பறிக்கப்படும் வரை பூகம்பங்கள் அதிகமாகும் வரை - காலம் சுருங்கும் வரை - குழப்பங்கள் தோன்றும் வரை - கொலை செய்தல் அதிகமாகும் வரை- உங்களிடம் செல்வம் செழிக்கும் வரை - கியாம நாள் ஏற்படாது.' 

என அபூ ஹுரைரா(ரலி) அறிவித்தார். 

(ஸஹீஹுல் புகாரி: 1036. , அத்தியாயம்: 1. இறைச்செய்தியின் ஆரம்பம்)

மறுமை நாளில் நபி (ஸல்) அவர்களின் பரிந்துரைக்குத் தகுதி படைத்த மனிதர்

வினாடி வினா

மறுமை நாளில் நபி (ஸல்) அவர்களின் பரிந்துரைக்குத் தகுதி படைத்த மனிதர் யார்?

விடை: உள்ளத்திலிருந்து - தூய்மையான எண்ணத்துடன் 'வணங்கி வழிபடுவதற்குரியவன் அல்லாஹ்வையன்றி வேறு யாருமில்லை என்று சொன்னவர்தாம்

ஆதாரம்:

'இறைத்தூதர் அவர்களே! மறுமை நாளில் தங்களின் பரிந்துரைக்குத் தகுதி படைத்த மனிதர் யார்?' என்று நபி(ஸல்) அவர்களிடம் நான் கேட்டபோது, 'அபூ ஹுரைராவே! என்னைப் பற்றிய செய்திகளின் மீது உமக்கிருக்கும் பேராவால் எனக்குத் தெரியும். எனவே, இச்செய்தியைப் பற்றியும் உமக்கு முன்னர் யாரும் என்னிடம் கேட்க மாட்டார்கள் என நான் நம்பியிருந்தேன்' என்று நபி(ஸல்) அவர்கள் கூறிவிட்டு, 'மறுமை நாளில் மக்கள் அனைவரிலும் என் பரிந்துரைக்குத் தகுதி பெற்றவர் யாரெனில், உள்ளத்திலிருந்து - தூய்மையான எண்ணத்துடன் 'வணங்கி வழிபடுவதற்குரியவன் அல்லாஹ்வையன்றி வேறு யாருமில்லை என்று சொன்னவர்தாம்' என்று கூறினார்கள்' அபூ ஹுரைரா(ரலி) அறிவித்தார். 

(ஸஹீஹுல் புகாரி: 99. , அத்தியாயம்: 1. இறைச்செய்தியின் ஆரம்பம்)

மூஸா நபியின் சமூகத்தார் எதை தெய்வமாக ஆக்கிக் கொண்டார்கள்?

வினாடி வினா

மூஸா நபியின் சமூகத்தார் எதை தெய்வமாக ஆக்கிக் கொண்டார்கள்?

விடை: ஆபரணங்களைக் கொண்(டு செய்யப்பட்)ட கன்றுக் குட்டியின் சிலையை

ஆதாரம்:

(தன் இறைவனிடம் உரையாட மூஸா சென்றதற்குப்) பின்னர் மூஸாவுடைய மக்கள் தங்கள் ஆபரணங்களைக் கொண்(டு செய்யப்பட்)ட கன்றுக் குட்டியின் சிலையை(த் தெய்வமாக) எடுத்துக் கொண்டார்கள். அதற்கு (மாட்டின் சப்தத்தைப் போன்ற) சப்தமிருந்தது. எனினும் (அது உயிரற்ற வெறும் சிலை.) நிச்சயமாக அது அவர்களுடன் பேசுவதுமில்லை; அவர்களுக்கு ஒரு வழியை அறிவிப்பதுமில்லை என்பதையும் அவர்கள் கவனித்திருக்க வேண்டாமா? எனினும், அவர்கள் அதையே (தெய்வமாக) எடுத்துக் கொண்டு (அதனால் தங்களுக்குத்தாமே) தீங்கிழைத்துக் கொண்டவர்களாக ஆகிவிட்டார்கள். (7:148)

யாருடைய நற்கருமங்கள் அனைத்தும் அழிந்து விடும்?

வினாடி வினா

யாருடைய நற்கருமங்கள் அனைத்தும் அழிந்து விடும்?

விடை: எவர்கள் நம் வசனங்களையும், மறுமையில் (நம்மைச்) சந்திப்பதையும் பொய்யாக்குகிறார்களோ அவர்களுடைய (நற்)காரியங்கள் 

ஆதாரம்:

ஆகவே, எவர்கள் நம் வசனங்களையும், மறுமையில் (நம்மைச்) சந்திப்பதையும் பொய்யாக்குகிறார்களோ அவர்களுடைய (நற்)காரியங்கள் அனைத்தும் அழிந்து விடும். (நம் வசனங்களைப் பொய்யாக்கி) அவர்கள் செய்து கொண்டிருந்த (தீய) செயல்களுக்குத் தவிர (வேறெதற்கும்) கூலி கொடுக்கப்படுவார்களா? (7:147)

சூரியன் உதிக்கும் நாட்களில் சிறந்த நாள்

வினாடி வினா

சூரியன் உதிக்கும் நாட்களில் எது சிறந்த நாளாகும்?

விடை: வெள்ளிக்கிழமை

ஆதாரம்:

அல்லாஹ்வின் தூதர் (ஸல்) அவர்கள் கூறினார்கள்:

சூரியன் உதிக்கும் நாட்களில் வெள்ளிக்கிழமையே மிகவும் சிறந்த நாளாகும். அன்று தான் (முதல் மனிதர்) ஆதம் (அலை) அவர்கள் படைக்கப்பட்டார்கள். அன்றுதான் சொர்க்கத்திற்குள் அவர்கள் அனுப்பப்பட்டார்கள். அன்றுதான் அவர்கள் அங்கிருந்து வெளியேற்றப்பட்டார்கள்.- இதை அபூஹுரைரா (ரலி) அவர்கள் அறிவிக்கிறார்கள்.

(ஸஹீஹ் முஸ்லிம்: 1547., அத்தியாயம்: 7. ஜும்ஆ)

அம்பு எய்வதில் தேர்ச்சி பெற்ற நபி

வினாடி வினா

அம்பு எய்வதில் தேர்ச்சி பெற்ற நபி யார்?

விடை: இஸ்மாயீல் (அலை) 

ஆதாரம்:

ஸலமா இப்னு அக்வஃ(ரலி) அறிவித்தார். 

பனூ அஸ்லம் குலத்தார் சிலர் அம்பெய்யும் போட்டியில் ஈடுபட்டிருந்தபோது நபி(ஸல்) அவர்கள் அவர்களைக் கடந்து சென்றார்கள். அப்போது நபி(ஸல்) அவர்கள், 'இஸ்மாயீலின் சந்ததிகளே! அம்பெய்யுங்கள். ஏனெனில், உங்கள் தந்தை (இஸ்மாயீல் (அலை) அவர்கள்) அம்பெய்வதில் தேர்ச்சி பெற்றவராக இருந்தார்கள். நீங்கள் அம்பெய்யுங்கள். (போட்டியில்) நான் இன்ன குலத்தாருடன் இருக்கிறேன்' என்று கூறினார்கள். உடனே, இரண்டு பிரிவினரில் ஒரு சாரார் அம்பெய்வதை நிறுத்தினார்கள். இறைத்தூதர்(ஸல்) அவர்கள், 'உங்களுக்கென்ன ஆயிற்று? ஏன் அம்பெய்யாமலிருக்கிறீர்கள்?' என்று கேட்டார்கள். அதற்கு அவர்கள், 'தாங்கள் அவர்களுடன் (எதிர் தரப்பினருடன்) இருக்க, நாங்கள் எப்படி அம்பெய்வோம்?' என்றார்கள். உடனே நபி(ஸல்) அவர்கள், 'அப்படியானால் நான் உங்கள் அனைவருடனும் இருக்கிறேன். நீங்கள் அம்பெய்யுங்கள்' என்று கூறினார்கள். 

(ஸஹீஹுல் புகாரி: 2899. , அத்தியாயம்: 56. அறப்போரும் அதன் வழிமுறைகளும்)

நிராகரிப்பவர்களின் குஃப்ரு, ஷிர்க்கான கெட்ட வாக்கியத்திற்கு உதாரணம் என்ன?

வினாடி வினா

நிராகரிப்பவர்களின் குஃப்ரு, ஷிர்க்கான கெட்ட வாக்கியத்திற்கு உதாரணம் என்ன?

விடை: வேர் அறுபட்டு பூமிக்கு மேல் (உறுதியின்றி) நிற்கும் (பட்டுப் போன ஒரு) கெட்ட மரத்திற்கு உதாரணம்.

ஆதாரம்:

(நிராகரிப்பவர்களின் குஃப்ரு, ஷிர்க்கான) கெட்ட வாக்கியத்திற்கு உதாரணம்: வேர் அறுபட்டு பூமிக்கு மேல் (உறுதியின்றி) நிற்கும் (பட்டுப் போன ஒரு) கெட்ட மரத்திற்கு ஒப்பாகும்; அது நிலைத்திருக்காது. (14:26)

போர்க்களத்தில் பெண்கள் ஆற்றிய பங்கு

வினாடி வினா

போர்க்களத்தில் பெண்கள் ஆற்றிய பங்கு என்ன?

விடை: காயமடைந்தவர்களுக்கு மருந்திடல், இறந்தவர்களை ஊருக்குக் கொண்டு செல்லுதல்.

ஆதாரம்:

ருபய்யிஉ பின்த்து முஅவ்வித்(ரலி) கூறினார். 

(பெண்களாகிய) நாங்கள் நபி(ஸல்) அவர்களுடன் (புனிதப் போரில்) இருந்தோம். (புனிதப் போரில்) காயமுற்றவர்களுக்கு நீர் புகட்டியும் மருந்திட்டும் வந்தோம். கொல்லப்பட்டவர்களை (போர்க் களத்திலிருந்து) மதீனாவிற்கு எடுத்துச் சென்று கொண்டும் இருந்தோம்.

(ஸஹீஹுல் புகாரி: 2882. , அத்தியாயம்: 56. அறப்போரும் அதன் வழிமுறைகளும்)

இறந்தவர்களை எப்படி உயிர்ப்பிக்கிறாய் என்பதை காண்பிக்கச் சொன்ன நபி யார்?

வினாடி வினா

அல்லாஹ்விடம், இறந்தவர்களை எப்படி உயிர்ப்பிக்கிறாய் என்பதை காண்பிக்கச் சொன்ன நபி யார்?

1. மூஸா நபி

2. ஈஸா நபி

3. இப்ராஹிம் நபி

விடை: 3. இப்ராஹிம் நபி

ஆதாரம்:

இப்றாஹீம் (இறைவனை நோக்கி), “என் இறைவனே! இறந்தவர்களை நீ எப்படி உயிர்ப்பிக்கிறாய். (அதை) நீ எனக்குக் காண்பி'' எனக் கூறியபோது, அவன் (இதை) ‘‘நீர் நம்பவில்லையா?'' என்று கேட்டான். (அதற்கு) அவர் ‘‘நான் நம்பியே இருக்கின்றன். ஆயினும், (அதை என் கண்ணால் கண்டு) என் உள்ளம் திருப்தியடைவதற்காக (அதைக் காண்பி)'' எனக் கூறினார். (அதற்கவன்) ‘‘நான்கு பறவைகளைப் பிடித்து நீர் அவற்றைப் பழக்கி, பின்னர் (அவற்றைத் துண்டு துண்டாக ஆக்கி) அவற்றில் ஒவ்வொரு பாகத்தை ஒவ்வொரு மலையின் மீதும் வைத்துவிட்டு (நடுவில் இருந்துகொண்டு) அவற்றை நீர் கூப்பிடுவீராக. அவை உம்மிடம் பறந்து வந்து சேரும் (எனக் கூறி, அவ்வாறு செய்து காண்பித்து) ‘‘நிச்சயமாக அல்லாஹ் மிகைத்தவன், மிக்க நுண்ணறிவுடையவன் என்பதையும் நீர் உறுதியாக அறிந்து கொள்வீராக'' என்றான். (2:260)

யாரை அல்லாஹ் தன்னளவில் உயர்த்திக் கொண்டான்?

வினாடி வினா

யாரை அல்லாஹ் தன்னளவில் உயர்த்திக் கொண்டான்?

1. மூஸா நபி

2. ஈஸா நபி

3. இப்ராஹிம் நபி

விடை: 2. ஈஸா நபி

ஆதாரம்:

மாறாக அவரை (ஈஸா)  அல்லாஹ் தன்னளவில் உயர்த்திக் கொண்டான். அல்லாஹ் மிகைத்தவனாகவும், ஞானமுடையோனாகவும் இருக்கிறான்.(4:158)

நாம் காலணியை கழற்றும்போது முதலில் எந்த காலிலிருந்து கழற்ற வேண்டும்?

வினாடி வினா

நாம் காலணியை கழற்றும்போது முதலில் எந்த காலிலிருந்து கழற்ற வேண்டும்?

விடை: இடது காலிலிருந்து

ஆதாரம்:

இறைத்தூதர்(ஸல்) அவர்கள் கூறினார்கள்' 

நீங்கள் காலணி அணியும்போது முதலில் வலது காலில் அணியுங்கள்; அதைக் கழற்றும்போது முதலில் இடது காலில் இருந்து கழற்றுங்கள். வலது காலே அணிவதில் முதலாவதாகவும், கழற்றுவதில் இறுதியாகவும் இருக்கட்டும்! 

என அபூ ஹுரைரா(ரலி) அறிவித்தார். 

(ஸஹீஹுல் புகாரி: 5855. , அத்தியாயம்: 6. மாதவிடாய்)

சமையல் காளானுடைய சாறு எதற்கு நிவாரணமாகும்?

வினாடி வினா

சமையல் காளானுடைய சாறு எதற்கு நிவாரணமாகும்?

விடை: கண்ணுக்கு நிவாரணமாகும்

ஆதாரம்:

இறைத்தூதர்(ஸல்) அவர்கள் கூறினார்கள்' 

சமையல் காளான் (தானாக வளர்வதில்) 'மன்னு'வின் வகையைச் சேர்ந்ததாகும். அதன் சாறு கண்ணுக்கு நிவாரணமாகும்.

என ஸயீத் இப்னு ஸைத்(ரலி) அறிவித்தார். 

(ஸஹீஹுல் புகாரி: 4639. , அத்தியாயம்: 5. குளித்தல்)

மக்கள் பீடையாக கருதிய நபி

வினாடி வினா

எந்த நபியை மக்கள் பீடையாக கருதினார்கள் என அல்லாஹ் குர்ஆனில் குறிப்பிட்டுள்ளான்? 

1. மூஸா நபி

2. இப்ராஹிம் நபி

3. யூனுஸ் நபி

விடை: 1. மூஸா நபி

ஆதாரம்:

எனினும் அவர்களோ, அவர்களுக்கு (ஒரு) நன்மை வரும் சமயத்தில் எங்களுக்கு (வரவேண்டியது)தான் வந்தது என்றும், ஒரு தீங்கேற்படும் சமயத்தில் ‘‘(இது எங்களுக்கு வரவேண்டியதல்ல. எனினும் பீடை பிடித்த இந்த) மூஸாவாலும், அவருடைய மக்களாலுமே வந்தது'' என்றும் கூறினார்கள். அவர்களுக்கு ஏற்பட்ட (இத்)துர்ப்பாக்கியம் அல்லாஹ்விடம் இருந்தே வந்தது என்பதை அறிந்து கொள்ளுங்கள். எனினும் அவர்களில் பெரும்பாலானவர்கள் (இதை) அறிந்து கொள்வதில்லை. (7:131)

இறைமறுப்பாளன் மறுமை நாளில் எவ்வாறு இழுத்துச் செல்லப்படுவான்?

வினாடி வினா

இறைமறுப்பாளன் மறுமை நாளில் எவ்வாறு இழுத்துச் செல்லப்படுவான்?

விடை: தன் முகத்தால்

ஆதாரம்:

அனஸ் இப்னு மாலிக்(ரலி) அறிவித்தார். 

ஒருவர் 'இறைத்தூதர் அவர்களே! இறைமறுப்பாளன் மறுமை நாளில் தன் முகத்தால் (நடத்தி) இழுத்துச் செல்லப்படுவானா?' என்று கேட்டார். நபி(ஸல்) அவர்கள் 'இந்த உலகில் அவனை இரண்டு கால்களினால் நடக்கச் செய்தவனுக்கு, மறுமை நாளில் அவனைத் தன் முகத்தால் நடக்கச் செய்திட முடியாதா?' என்று (பதிலுக்குக்) கேட்டார்கள். 

(இதை அறிவித்த அறிவிப்பாளர்) கத்தாதா இப்னு திஆமா(ரஹ்) 'ஆம்! (முடியும்.) எங்கள் இறைவனின் வலிமையின் மீதாணையாக!' என்று கூறினார்கள். 

(ஸஹீஹுல் புகாரி: 4760. , அத்தியாயம்: 5. குளித்தல்)

அல்லாஹ்விடத்தில் மகத்தான பெரும் பதவி பெற்றவர்கள்

வினாடி வினா

யார் அல்லாஹ்விடத்தில் மகத்தான பெரும் பதவி பெற்றவர்கள்?

விடை:

ஆதாரம்:

எவர்கள், நம்பிக்கை கொண்டு (தங்கள்) ஊர்களிலிருந்து வெளியேறி, அல்லாஹ்வுடைய பாதையில் தங்கள் பொருள்களையும் உயிர்களையும் தியாகம் செய்து போர்புரிகின்றனரோ அவர்கள் அல்லாஹ்விடத்தில் மகத்தான பெரும் பதவி பெற்றவர்கள். இவர்கள்தான் வெற்றி அடைந்தவர்கள். (9:20)

யுக முடிவுக்காக ___ பிளக்கும்போது எண்ணெயைப்போல் சிவந்ததாக ஆகும்

வினாடி வினா

யுக முடிவுக்காக எது பிளக்கும்போது எண்ணெயைப்போல் சிவந்ததாக ஆகும்.

1. வானம்

2. கடல்

3. மலை

விடை: 1. வானம்

ஆதாரம்:

(யுக முடிவுக்காக) வானம் பிளக்கும் சமயத்தில் அது (ஜைத்தூன்) எண்ணெய்யைப் போல் ரோஜா வர்ணமாகிவிடும். (55:37)

மேட்டில் ஏறும்போதும்; பள்ளத்தாக்குகளில் இறங்கும்போதும் கூற வேண்டிய தஸ்பிஹ்

வினாடி வினா

கோடிட்ட இடங்களை நிரப்புக.

நாங்கள் மேட்டில் ஏறும்போது ____ என்று தக்பீர் கூறி வந்தோம்; பள்ளத்தாக்குகளில் இறங்கும்போது ____ என்று தஸ்பீஹ் செய்து வந்தோம்.

விடை: அல்லாஹு அக்பர், சுப்ஹானல்லாஹ்.

ஆதாரம்:

ஜாபிர் இப்னு அப்தில்லாஹ்(ரலி) கூறினார். 

நாங்கள் (மேட்டில்) ஏறும்போது 'அல்லாஹு அக்பர் - அல்லாஹ் மிகப் பெரியவன்' என்று தக்பீர் கூறி வந்தோம்; (பள்ளத்தாக்குகளில்) இறங்கும்போது 'சுப்ஹானல்லாஹ் - அல்லாஹ் குறைகளிலிருந்தும் பலவீனங்களிலிருந்தும் தூய்மையானவன்' என்று தஸ்பீஹ் செய்து வந்தோம்.

(ஸஹீஹுல் புகாரி: 2993. , அத்தியாயம்: 3. கல்வியின் சிறப்பு)

எதை அதன் உரிமையாளர்களிடம் ஒப்படைத்து விட வேண்டும்

வினாடி வினா

எதை அதன் உரிமையாளர்களிடம் ஒப்படைத்து விடும்படி அல்லாஹ் நமக்குக் கட்டளையிடுகிறான்?

1. அன்பளிப்பை

2. அமானிதத்தை

3. இரண்டுமே இல்லை

விடை: 2. அமானிதத்தை

ஆதாரம்:

(நம்பிக்கையாளர்களே! உங்களிடம் நம்பி ஒப்படைக்கப்பட்ட) அமானிதப் பொருள்களை அதன் உரிமையாளர்களிடம் நீங்கள் ஒப்படைத்து விடும்படியும், மனிதர்களுக்கிடையில் நீங்கள் தீர்ப்புக் கூறினால் (பாரபட்சமின்றி) நீதமாகவே தீர்ப்பளிக்கும்படியும் நிச்சயமாக அல்லாஹ் உங்களுக்குக் கட்டளையிடுகிறான். உங்களுக்கு அல்லாஹ் செய்யும் இவ்வுபதேசம் மெய்யாகவே எவ்வளவு சிறந்தது! நிச்சயமாக அல்லாஹ் செவியுறுபவனாக, உற்று நோக்குபவனாக இருக்கிறான். (4:58)

மறுமை நாளில் மலைகளின் நிலை

வினாடி வினா

மறுமை நாளில் மலைகள் என்னவாகும்?

விடை:

அந்நாளில், பூமியும் மலைகளும் ஆட்டம் கொடுத்து (ஒன்றோடொன்று மோதி) மலைகள் சிதறுண்ட மண் குவியல்களாகி விடும். (73:14)

சேவல்கள் கூவுகிற சத்தத்தைக் கேட்டால்...

வினாடி வினா

சேவல்கள் கூவுகிற சத்தத்தைக் கேட்டால் அல்லாஹ்விடம் அவனுடைய அருளைக் கேளுங்கள் என இறைத்தூதர்(ஸல்) அவர்கள் கூறினார்கள். ஏன்?

விடை: ஏனெனில், அவை வானவரைப் பார்த்திருக்கின்றன. 

ஆதாரம்:

இறைத்தூதர்(ஸல்) அவர்கள் கூறினார்கள்: 

நீங்கள் சேவல்கள் கூவுகிற சத்தத்தைக் கேட்டால் அல்லாஹ்விடம் அவனுடைய அருளைக் கேளுங்கள்: ஏனெனில், அவை வானவரைப் பார்த்திருக்கின்றன. (எனவேதான் கூவுகின்றன.) கழுதை கத்தும் சத்தத்தை நீங்கள் கேட்டால் ஷைத்தானிடமிருந்து அல்லாஹ்விடம் பாதுகாப்புக் கோருங்கள். ஏனெனில், அது ஷைத்தானைப் பார்த்திருக்கிறது. (எனவேதான் கத்துகிறது.) 

என அபூ ஹுரைரா(ரலி) அறிவித்தார். 

(ஸஹீஹுல் புகாரி: 3303. , அத்தியாயம்: 3. கல்வியின் சிறப்பு)

உங்கள் வீடுகள் அல்லாத வீடுகளில் நீங்கள் நுழையக் கருதினால்....

வினாடி வினா

உங்கள் வீடுகள் அல்லாத வீடுகளில் நீங்கள் நுழையக் கருதினால் என்ன செய்ய வேண்டும்?

விடை: அதில் இருப்பவர்களுக்கு ஸலாம் கூறி (அவர்களுடைய) அனுமதியைப் பெறும் வரை நுழையாதீர்கள்.

ஆதாரம்:

நம்பிக்கையாளர்களே! உங்கள் வீடுகள் அல்லாத வீடுகளில் நீங்கள் (நுழையக் கருதினால்,) அதில் இருப்பவர்களுக்கு ஸலாம் கூறி (அவர்களுடைய) அனுமதியைப் பெறும் வரை நுழையாதீர்கள். இவ்வாறு நடந்து கொள்வது உங்களுக்கே மிக்க நன்று. (இதை மறந்து விடாது) நீங்கள் கவனத்தில் வைப்பீர்களாக! (24:27)

கஞ்சத்தனம் செய்தவர்களுக்கு தண்டனை

வினாடி வினா

கஞ்சத்தனம் செய்தவர்களுக்கு கியாமத் நாளில் என்ன தண்டனை வழங்கப்படும்?

விடை: கஞ்சத்தனத்தால் சேர்த்த பொருள் மறுமையில் அவர்கள் கழுத்தில் அரிகண்டமாக (இரும்பு வளையமாக) மாட்டப்படும்.

ஆதாரம்:

எவர்கள், அல்லாஹ் தன் அருளால் தங்களுக்கு வழங்கிய பொருள்களில் கஞ்சத்தனம் செய்கிறார்களோ அவர்கள் அது தங்களுக்கு நல்லது என்று எண்ணிவிட வேண்டாம். அது அவர்களுக்குத் தீங்காகவே இருக்கும். கஞ்சத்தனத்தால் சேர்த்த பொருள் மறுமையில் அவர்கள் கழுத்தில் அரிகண்டமாக (இரும்பு வளையமாக) மாட்டப்படும். வானங்கள் பூமியின் வாரிசுரிமை அல்லாஹ்வுக்கே உரியது. அல்லாஹ் நீங்கள் செய்பவற்றை எல்லாம் நன்கறிந்தவன் ஆவான். (3:180)

போருக்குச் செல்லாமல் இருப்பது யார் யார் மீது குற்றம் இல்லை?

வினாடி வினா

போருக்குச் செல்லாமல் இருப்பது யார் யார் மீது குற்றம் இல்லை?

விடை: குருடர், நொண்டி மற்றும் நோயாளி மீது குற்றமில்லை.

ஆதாரம்:

(போருக்கு வராததைப் பற்றிக்) குருடர் மீது ஒரு குற்றமுமில்லை; நொண்டி மீதும் ஒரு குற்றமுமில்லை; நோயாளி மீதும் ஒரு குற்றமுமில்லை. எவர் அல்லாஹ்வுக்கும், அவனுடைய தூதருக்கும் மெய்யாகவே கீழ்ப்படிந்து (போருக்கு உம்முடன்) வருகிறாரோ, அவரை (அல்லாஹ்) சொர்க்கங்களில் புகுத்துவான். அதில் நீரருவிகள் தொடர்ந்து ஓடிக்கொண்டே இருக்கும். எவர் (உமக்கு கீழ்ப்படியாமல் போருக்கு உம்முடன் வராது) புறக்கணிக்கிறாரோ, அவரை மிகக் கடினமாகவே துன்புறுத்தி வேதனை செய்வான். (48:17)

தர்மம் செய்தால் ஷைத்தான் எதைக் கொண்டு நமக்கு பயம் காட்டுகிறான்?

வினாடி வினா

நாம் தர்மம் செய்தால் ஷைத்தான் எதைக் கொண்டு நமக்கு பயம் காட்டுகிறான்?

1. நரகத்தை

2. வறுமையை

3. இரண்டும் இல்லை

விடை: 2. வறுமையை

ஆதாரம்:

(நீங்கள் தர்மம் செய்தால்) ஷைத்தான் உங்களுக்கு வறுமையைக் கொண்டு பயங்காட்டி மானக்கேடான (கஞ்சத்தனத்)தைச் செய்யும்படி உங்களைத் தூண்டுவான். ஆனால், அல்லாஹ்வோ (நீங்கள் தர்மம் செய்தால்) தன் மன்னிப்பையும், செல்வத்தையும் (உங்களுக்குத் தருவதாக) வாக்களிக்கிறான். மேலும், அல்லாஹ் (வழங்குவதில்) மிக்க விசாலமானவன், நன்கறிந்தவன் ஆவான். (2:268)

அல்லாஹ்வுக்காக பள்ளிவாசல் ஒன்றை கட்டுகிற வெகுமதி

வினாடி வினா

அல்லாஹ்வுக்காக பள்ளிவாசல் ஒன்றை கட்டுகிற வெகுமதி என்ன?

விடை: அது போன்ற ஒன்றைச் சுவர்க்கத்தில் அவருக்காக அல்லாஹ் கட்டுகிறான்.

ஆதாரம்:

உபைதுல்லாஹ் அல் கவ்லானி அறிவித்தார். 

உஸ்மான்(ரலி) பள்ளியை விரிவுபடுத்தியபோது 'நீங்கள் மிகவும் விரிவு படுத்தி விட்டீர்கள்' என்று மக்கள் அவர்களிடம் ஆட்சேபனை செய்தார்கள். அதற்கு 'அல்லாஹ்வின் திருமுகத்தை நாடி, பள்ளிவாசல் ஒன்றைக் கட்டியவர் அது போன்ற ஒன்றைச் சுவர்க்கத்தில் அவருக்காக அல்லாஹ் கட்டுகிறான்' என்று நபி(ஸல்) கூற செவியுற்றுள்ளேன்' என உஸ்மான்(ரலி) கூறினார். 

(ஸஹீஹுல் புகாரி: 450. , அத்தியாயம்: 8. தொழுகை)

வார்த்தைகளிலேயே மிகவும் மோசமான வார்த்தை

வினாடி வினா

ஒருவர் கூறுவதன் வார்த்தைகளிலேயே மிகவும் மோசமான வார்த்தைகளிலேயே மிகவும் மோசமான வார்த்தை என்ன?

விடை: இன்ன இன்ன குர்ஆன் வசனங்களை நான் மறந்துவிட்டேன்' என்று ஒருவர் கூறுவதுதான்.

ஆதாரம்:

இறைத்தூதர்(ஸல்) அவர்கள் கூறினார்கள்' 

'இன்ன இன்ன குர்ஆன் வசனங்களை நான் மறந்துவிட்டேன்' என்று ஒருவர் கூறுவதுதான் அவரின் வார்த்தைகளிலேயே மிகவும் மோசமான வார்த்தைகளிலேயே மிகவும் மோசமான வார்த்தையாகும். வேண்டுமானால், 'மறக்கவைக்கப்பட்டுவிட்டது' என்று அவர் கூறட்டும்! குர்ஆனைத் தொடர்ந்து (ஓதி) நினைவுபடுத்தி வாருங்கள். ஏனெனில், ஒட்டகங்களை விடவும் வேகமாக மனிதர்களின் நெஞ்சங்களிலிருந்து குர்ஆன் தப்பக்கூடியதாகும். 

என அப்துல்லாஹ் இப்னு மஸ்வூத்(ரலி) அறிவித்தார். 

இந்த நபிமொழி, வேறு சில அறிவிப்பாளர் தொடர்கள் வழியாகவும் வந்துள்ளது. 

(ஸஹீஹுல் புகாரி: 5032. , அத்தியாயம்: 66. குர்ஆனின் சிறப்புகள்)